ადვოკატის მომსახურება ხშირად გაიგივებულია პრობლემის მოგვარებასთან – თუმცა, ეს ასე არ არის. პროფესიონალური სერვისი საჭიროა ბევრ ისეთ შემთხვევაში, რაც თავისთავად პრობლემატური სულაც არ არის. მაგალითად, იურისტი დაგჭირდებათ ქონების გადაფორმების პროცედურებისთვის, კომპანიის რეგისტრაციისა და შესაბამისი სამართლებრივი სტატუსის მოპოვებისთვის, სამართლებრივი კონსულტაციაა საჭირო ხელშეკრულებების გაფორმებამდეც. იურიდიული მომსახურების მიღება ასეთ საწყის ეტაპზე ერთ-ერთი საუკეთესო გზაა გართულებების თავიდან ასარიდებლად.

იურიდიული საკითხების მოგვარება კი ხშირად მოითხოვს გამოცდილი ადვოკატის დახმარებას. იქნება ეს საოჯახო დავა, სამოქალაქო საკითხი, ბიზნეს დავა თუ სისხლის სამართლის საქმე, კვალიფიციური იურისტის ჩართულობა ხშირად გადამწყვეტი ხდება პირის სასარგებლო შედეგის მისაღებად.

რა ღირს ადვოკატის მომსახურება? –  ეს კითხვა უამრავ ადამიანს აინტერესებს, როცა იურიდიული მომსახურების მიღებაზე იწყებს ფიქრს. ფასი დამოკიდებულია არაერთ ფაქტორზე და ამ ბლოგში განვიხილავთ, როგორ განისაზღვრება ადვოკატის მომსახურების ფასები, რა ფაქტორები ახდენს გავლენას ტარიფზე და როგორ იცვლება ადვოკატის ფასი სხვადასხვა იურიდიულ სერვისზე.

როგორ დგინდება ადვოკატის მომსახურების ფასები?

ადვოკატის მომსახურების ფასები დამოკიდებულია რამდენიმე მნიშვნელოვან ფაქტორზე. მაგალითად, მნიშვნელოვანია, რა ტიპის მომსახურებას ეძებთ – იურიდიული მომსახურება შეიძლება იყოს ერთჯერადი კონსულტაცია, დოკუმენტაციის მომზადება, მოლაპარაკებების წარმართვა, სასამართლოში წარმომადგენლობა და სხვა. ყველაზე დაბალი ფასის მომსახურება, როგორც წესი, იურიდიული კონსულტაციაა, ხოლო სასამართლოში სრულყოფილი წარმომადგენლობა შედარებით ძვირია.

ასევე, მნიშვნელოვანი ასპექტია საქმის სირთულე და მოცულობა. რადგანაც უფრო რთული და კომპლექსური სამართლებრივი საკითხები მეტ დროსა და რესურსს მოითხოვს, ასეთ დროს ადვოკატის ფასი იზრდება. 

ადვოკატის გამოცდილება და სპეციალიზაცია, პირველ რიგში, კლიენტისთვისაა მნიშვნელოვანი – სწორედ ეს ფაქტორები ახდენენ უდიდეს გავლენას იმაზე, თუ როგორი შედეგით დასრულდება ესა თუ ის დავა ან უბრალოდ მოლაპარაკებები. უფრო გამოცდილ და მაღალკვალიფიციურ ადვოკატებს უფრო მაღალი ტარიფები აქვთ, რადგან მათი ცოდნა და პროფესიონალიზმი წარმატების უკეთეს გარანტიას იძლევა. 

გასათვალისწინებელი ფაქტორია დროისა და რესურსის გამოყენების საჭიროებაც, რაც იურისტმა ქეისზე მუშაობისას უნდა დახარჯოს. იურიდიული პროცესი შეიძლება იყოს ხანმოკლე და მოითხოვდეს მხოლოდ კონსულტაციას, ან გადაიზარდოს ხანგრძლივ სასამართლო დავაში, რაც მოითხოვს მუდმივ ყურადღებას, მტკიცებულებების შეგროვებასა და დოკუმენტაციის ანალიზს შემდგომი მათი გამოყენების მიზნით..

გარდა უშუალოდ ადვოკატის მომსახურების ფასისა, ზოგიერთ შემთხვევაში დამატებითი ხარჯებიც შეიძლება წარმოიშვას, როგორიცაა სასამართლო მოსაკრებლები, ექსპერტიზის ხარჯები, თარჯიმნის ხარჯები და ა.შ.

ადვოკატის მომსახურების ფასები სხვადასხვა სამართლებრივ სფეროშიც შეიძლება განსხვავებული იყოს. ზოგიერთ სფეროში მომსახურება შედარებით ხელმისაწვდომია, ხოლო სხვებში, მისი სირთულისა და კომპლექსური ხასიათის გამო, უფრო ძვირი ჯდება.

რა შეიძლება დაგვიჯდეს იურიდიული კონსულტაცია?

სხვადასხვა იურიდიული ფირმა განსხვავებულ ფასებს გვთავაზობს. ამიტომაც ამ კითხვაზე ერთმნიშვნელოვანი პასუხი არ არსებობს. ზოგიერთ შემთხვევაში, მარტივი სამართლებრივი რჩევის მიღება შეიძლება იყოს ხელმისაწვდომი და ერთჯერადი კონსულტაციაც საკმარისი აღმოჩნდეს, ხოლო სასამართლოში წარმომადგენლობა და რთული სამართლებრივი პროცესების წარმართვა უფრო დიდ ხარჯებთან იქნება დაკავშირებული.

თუ გჭირდებათ ადვოკატის მომსახურება, უმჯობესია წინასწარ გაიაროთ კონსულტაცია, რათა უფრო ზუსტად განსაზღვროთ ადვოკატის მომსახურების ფასები და მიიღოთ  თქვენთვის საუკეთესო სამართლებრივი მხარდაჭერა.